Posts

190. MURANGO NIMUHINGURE

  1.  Murango nimuhingure  Wa nduriri ciothe,  Niguo itonye irurungane  Giti-ini gia ciira     2.  Murata niwihariirie  Hingo ya gutonya  Niugakorwo wetereirwo  Ni maundu meri    3.  Ituiro ria marakara  Rietereire andu aria aremi  Othe na akararia  Matwarwo mwaki-ini     4.  Aria Atheru metereirwo  Giti-ini kia unene  Na inanda na mituriru  Ciana cia uthamaki    5.  Rwimbo rweru rukainagwo  Ni acio mahotete  Haleluya Gaturume  Muthamaki wa ita.    6.  Ikeno cia thi ciathira  Maithori na kieha,  Ti itheru no magaitika  Giti-ini gia ciira.    7.  Aremi othe ona Akararia  Makoima na kieha.  Maingatwo mbere ya Ngai  Matwarwo mwaki-ini    8.  Atheru magikenera gutorania kwao  Mehumbite nguo njeru igukenga ta riua.
Post a Comment
Read more

191. HINDI INO NDI NA MWIRI

 1.  Hindi ino ndi na mwiri,  Ngiruira ma njugaga  Thi-ino na iguru icio niigathira  Mwathani ni igai riakwa.    2.  Thi ino ndi rugendo-ini,  Mugendi ndakahuruke.  Roho Mutheru no mathaithana,  Giti-ini gia Ithe witu.    3.  Kirigiriro giakwa ni muoyo,  Uria utagathira.  Mothamaki makirie guthira.  Mwathani ni igai riakwa.    4.  Ninjui thiini wakwa,  Titheru kuri-uthamaki.  Roho wa muoyo nduire njugaga,  Mwathani ni igai riakwa.    5.  Riria ndari muthini,  Utari na kirigiriro.  Mwathani wakwa niwe wanjoire.  Titheru ni igai riakwa.    6.  Riu ndi moko-ini make.  Nganja na guoya gutiri.  Roho wa muoyo no ndure njugaga  Mwathani ni igai riakwa.    7.  Ngiruira Mwathani,  Njaragia na umiriru  Ngimenyaga ma, guku thi ndiendagwo  Mwathani ni igai riakwa.
Post a Comment
Read more

192. RIRIA JESU OIGIRE ATIRI

 1.  Riria Jesu oigire atiri,  Nindarikia wira thi.  Nioire mai na iguru,  Agithambia Arutwo ake nyariri.    Turorie maitho na iguru,  Turi ndungata cia Roho,  Umiriru na utheru,  Nicio hinguro cia iguru.    2.  Utuku ucio niahoire.  Na agithithina thakame.  Ya gukura mioyo iitu.  Ukombo-ini wa shaitani.    3.  Ariu a thoguo na ariu a nyukwa.  Na aria mwari thiritu imwe,  Nio makoya kiboko na karamu magutuire.    4.  Riria muthenya ugakinya,  Wa gucoka kwa Mwathani.  Nitugakena muno,  Tukirorera uthiu wake.     5.  Hindi iyo nduriri ciothe,  Niikarira na igirike.  Tondu mundu niakoragio,  Ni Ngai wira uria atuire arutaga.     6.  Tiga kuriganirwo  Kana kugondagirira  Arahuka na ihenya,  Niguo utoragie Caitani.
Post a Comment
Read more

193. MUTHENYA NI UGAKINYA

 1.   Muthenya ni ugakinya  Riria ngatiga thi-ino  Ningakugathiriria Jesu    2.  Ndamenya nii ndigakua   Ningainuka iguru.   Kuria guikaraga Araika    3.  Kurathimwo ni Atheru,  Aria marutagwo thi.  Tondu thi-ino ndiri uhuruko    4.  Mwirute na ihenya,  Rugendo-ini ruru  Muthenya wi hakuhi    5.  Mothamaki ma thi ino,  Mariganuirwo mothe  Ni riri wanyu wa iguru    6.  Rutagai mutari na nganja  Wira wake na hinya  Nimukainuka muhuruke     7.  Jehova niaririkanite  Thakame ya muru wake  Iria yaitirwo thi-ino     8.  Ningumwira mutige,   Miiri yanyu yothe thi.   Jesu ni muriithi wanyu.
Post a Comment
Read more

194. IRUGA RIA MBERE RIA GATURUME

  1.  Iruga ria mbere ria Gaturume,  Nitwitiitwo ithuothe.  Aria Atheru na mwihokete,  Ritwa ria Jesu witu.    2.  Jesu nietire  Athuri othe, Atumia.  Tukenge  Na Anake Ona Airitu matonye iruga-ini     3.  Karumbeta nigekuhuhwo  Gakwihariria narua.  Niundu wa aria mateiguite,  Maikare meiguite.    4.  Tiganai na aria aregi,  Na aria akararia  Tondu ni mwititwo mutonye,  Iruga-ini itheru    5.  Thomai watho wa urathi,  Muikare mwetereire  Wega mutonye iruga-ini,  Muri na utheru inyuothe    6.  Jesu niarakwenda utonye,  Iruga-ini ria-utheru  Ena wendo munene,  Ukorwo ona we ugakorwo-ho.
Post a Comment
Read more

195. MAITHORI NDIRAGA NDI GUKU THI

 1.  Maithori ndiraga ndi guku thi,  Ndaririkana Zayuni.  Na ndamenya nama ndahotwo,  Mbara-ini ndigakinya iguru,  Tondu nieraniire  Gukena ni aria makahotana     2.  Nguthii ndihokete mutharaba  Na ciiraniro cia Mwathani.  Gwitu ningakinya mucii wa matu-ini.  Nikuo ngahuruka ngocage Mwathani.  Mukuri kirindi kinya tene.     3.  Kieha na maithori ndiuragia,  Mwathani ni wakwa, wakwa biu.  Na nii ndi wake ma ninjirigiriire  Mathangania ndiri.  Ngoonane na Jesu uthiu na uthiu.    4.  Jesu niathinirio ni njui,  Mutharaba-ini Kalvali  Niguo atuike njira ya mumwihoki nama,  Niakambata iguru.  Mucii wa gikeno, agatura hamwe na ithe witu     5.  Uuii Ngai baba ngwika atia?  Unyite guoko ndaguthaitha.  Tondu ndiri na hinya,  Ngugutua mwihoko wa rugendo ruru  Hotane mbara-ini,  Na ngatura nawe nginya tene.   ...
Post a Comment
Read more

196. TIGAIKARE MWIRIGITWO

 1.  Tigaikare mwirigitwo, ngoro-ini cianyu.  Ukirai mwithagathange, guikara utheru-ini.    Muru wa Ngai, Mwathani witu.  Tukumuona uthiu kwa uthiu,  Muru wa Nga i.     2.  Menyai wega mwi rugendo-ini, rwa guthii matu-ini  Tigai mathangania mothe, ngoro-ini cianyu.    3.  Ndamuthaitha mwimenyererei, guikara utheru-ini  Tondu muthenya wi hakuhi, wa Gaturume.     4.  Hindi ino niyo ya kugoca, Mwathani wa atheru.  Tondu Jesu e hakuhi guka, na unene wa Ithe.    5.  Uthamaki wa Gaturume, ni ukahehenja.  Mothamaki mothe ma thi-ino, na mahinya maguo    6.  Hindi ni nginyu munyarirwo, ota Mwathani.  Gikombe kiria anyuiriire, na inyui munyuire kio    7.  Nitukinyite kihikanio-ini, gia Gaturume,  Kihikanio gia gweterera, Mwathani Jesu.
Post a Comment
Read more